Matapos ang ilang araw na paglaya
Nais kong manatili sa bahay
Hanggang kaya ko pa,
Ang pagyapos sa mga magulang
Na pumapalis ng lahat ng klase at antas ng ginaw
Ang pagsasanib namin ng unan at
Pagkalabit sa namimighating gitara na nakasabit sa dingding
Palutangin ang sarili sa tunog ng aking mga cd at mp3
Pakikipaglaro sa mga alagang aso na itinuturing kong mga kapatid
Pagmasid sa mga larawan sa kwadro na nakasabit sa dingding ng kwarto at ng sala na may mga mapupusyaw ng kulay
Pagpapahangin sa may bakuran habang nakaupo sa sariling gawang upuang kahoy
Nakikinig nahuhumaling sa halakhakan at kwentuhan ng mga musmos sa kapitbahay na isang biyahe pabalik sa aking kabataan
Mga bulaklak at gulay sa hardin aking binabati hinahaplos na tila isang nawalay na kasintahan
Ang tsinelas na aking isasama sa paglilimayon sa antigong mga kalye at eskinita na isang lupain ng ginhawa,
Kaligayahan sa puso (buntong hininga)
Ang muling bumiyahe upang magpalagutok ng buto
Bago lumayo sa pamilya
Upang mas mapalapit ang bawat isa.
No comments:
Post a Comment