Sa ‘king libingan,
Pakiusap... walang Rosal Sampaguita o Rosas
Na sasanghaya,
Walang saging, hiniwang pakwan o mangga
Na iaalay sa king puting sementadong dibdib,
Walang tawanan o kuwentuhan
Tungkol sa ‘king manlalabong kasaysayan.
Pakiusap,
Gawin ninyo akong abo,
Maaari ninyo itong isaboy sa ating halamanan
Kung inyong mithi...
Ngunit mas nais kong ilagay niyo na lang sa garapon
At ikubli sa isang madilim at nakapanghihilakbot na dako
Ang aking labi
Upang maalala ninyo
Na may dulo ang hininga
At mayruong mas mahalaga
Kaysa sa pagpapanatili ng pag-iral
Ng ornamentadong panandaliang pisikal na katawan.
No comments:
Post a Comment